Formula 1 yarışları yenidən Afrika qitəsinə qayıdır
Bakı, 13 oktyabr, AZƏRTAC
Formula 1 yarışları 30 ildən çox fasilədən sonra yenidən Afrikada keçiriləcək.
AZƏRTAC çempionatın rəsmi saytına istinadla xəbər verir ki, Ruanda ilə 10 illik müqavilə imzalanıb.
Razılaşmaya əsasən, Formula 1 Afrika Qran-Prisi 2030-cu illərin əvvəlində çempionatın təqviminə daxil ediləcək.
Bu, Formula 1-in 1993-cü ildən sonra Afrika qitəsinə qayıdışı olacaq. Yarış Ruandanın paytaxtı Kiqalidən təxminən 40 kilometr cənubda, Bugesera bölgəsində inşa ediləcək yeni trasda keçiriləcək. Trasın tikintisinin 2030-cu illərin əvvəlində başa çatdırılması gözlənilir.
Beynəlxalq Avtomobil Federasiyasının (FIA) 1-ci dərəcəli standartlarına uyğun inşa olunacaq tras Kiqali Beynəlxalq Hava Limanının yaxınlığında yerləşəcək.
Bölmənin digər xəbərləri
