Şimal-qərb bölgəsinin iki məzunu Prezident təqaüdünə layiq görülüb
Şəki, 13 oktyabr, AZƏRTAC
Azərbaycan Respublikası Prezidentinin 2026-cı il 12 oktyabr tarixli Sərəncamına əsasən, 2026–2027-ci tədris ilində ölkəmizin ali təhsil müəssisələrinə yüksək balla qəbul olmuş tələbələrə Prezident təqaüdü veriləcək.
AZƏRTAC-ın bölgə müxbiri xəbər verir ki, Şəki-Zaqatala Regional Təhsil İdarəsinin tabeliyindəki ümumi təhsil müəssisələrinin 2 məzunu Prezident təqaüdünə layiq görülüb. Şimal-qərb bölgəsi üzrə təqaüdə layiq görülən məzunlardan biri Şəki məktəblisi Arif Qədirovdur. O, buraxılış imtahanlarından 675 bal toplayaraq ADA Universitetinin maliyyə ixtisasına qəbul olunub. Digər məzun isə Qəbələdən Aylin Rəhimlidir. Aylin buraxılış imtahanlarında 685 bal toplayıb. O, hazırda Dövlət İdarəçilik Akademiyasında hüquq ixtisası üzrə təhsil alır.
Müxbir - Rasim İslamoğlu
Bölmənin digər xəbərləri
