Belçikada polis əməkdaşı əməliyyat zamanı öldürülüb
Brüssel, 13 oktyabr, AZƏRTAC
Belçikanın paytaxtı Brüsselin Jette kommunasında polis əməkdaşı xidməti vəzifəsini yerinə yetirərkən güllələnərək öldürülüb.
AZƏRTAC xəbər verir ki, hadisə bazar ertəsi gecə avtomobil qaçırılması zamanı oğurlanmış nəqliyyat vasitəsinin saxlanılması əməliyyatı zamanı baş verib.
Brüssel prokurorluğunun təsdiqlədiyi məlumata görə, polis əməkdaşı şübhəli şəxsi təqib edərkən silahlı hücuma məruz qalıb. İstintaqa yaxın mənbələrin bildirdiyinə görə, şübhəli şəxs polisə atəş açıb.
Hadisədən sonra oğurlanmış avtomobildə üç silah aşkar edildiyi bildirilir. “La Capitale” qəzetinin məlumatına əsasən, hadisə ilə əlaqədar bir şübhəli şəxs də saxlanılıb.
Vüqar Seyidov
AZƏRTAC-ın xüsusi müxbiri
Brüssel
Bölmənin digər xəbərləri
