REGİONLAR


MDU-da tələbələr xaricdə doktorantura və ikili diplom proqramları barədə məlumatlandırılıblar

Mingəçevir, 25 yanvar, Elcan Məmmədov, AZƏRTAC

Mingəçevir Dövlət Universitetində (MDU) xaricdə doktorantura və ikili diplom proqramlarının tanıdılması ilə təqdimatı keçirilib.

AZƏRTAC-ın bölgə müxbiri xəbər verir ki, əvvəlcə “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” üzrə İdarəetmə Qrupunun rəhbəri Turan Topalova dinləyicilərə beynəlxalq təhsil təcrübələrinin təhsildə əhəmiyyətindən danışıb. Bildirilib ki, proqramın əsas məqsədi ən qabaqcıl elmi nailiyyətlərdən, innovativ təlim-tədris texnologiyalarından yararlanaraq, ölkəmizdə yeni nəsil mütəxəssislərin yetişdirilməsidir.

Sonra İdarəetmə Qrupunun mütəxəssisi Günay Mustafayeva xaricdə doktorantura təhsilinin yaratdığı imkanlardan danışaraq, proqram haqqında ətraflı məlumat verib. Beynəlxalq ikili diplom proqramları üzrə mütəxəssis Tərlan Abbasova isə çıxışında Dövlət Proqramı çərçivəsində bakalavriat və magistratura pilləsi üzrə həyata keçirilən ikili diplom proqramları haqqında ətraflı danışıb.

Sonda iştirakçıları maraqlandıran suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.