MƏDƏNİYYƏT


“Nizami-880” adlı musiqili ədəbi-bədii kompozisiya təqdim edilib

Bakı, 29 oktyabr, AZƏRTAC

Gəncə Regional Mədəniyyət İdarəsinin tabeliyində fəaliyyət göstərən Gəncə şəhər Uşaq İncəsənət Məktəbi “Nizami – 880” adlı musiqili ədəbi-bədii kompozisiya təqdim edib.

AZƏRTAC xəbər verir ki, əvvəlcə məktəbin direktoru Ramail Atayev çıxış edərək “Nizami Gəncəvi İli” çərçivəsində Gəncə Regional Mədəniyyət İdarəsinin mədəniyyət müəssisələrində silsilə tədbirlər keçirildiyini bildirib. Şəhər Uşaq İncəsənət Məktəbi də dahi şairin yubileyinə töhfə hazırlayıb.

Ssenari müəllifi Günay Hüseynli, musiqi tərtibatçısı Məsud Kərimov olan kompozisiyada Nizami Gəncəvinin sözlərinə yazılmış mahnı və romanslar ifa olunub, şairin qəzəlləri oxunub. Müəllimlərdən Gülmira Həmzəyeva Üzeyir Hacıbəylinin “Sənsiz”, “Sevgili canan”, Fikrət Əmirovun “Gülüm” romanslarını, Ədilə Hüseynova “Dilkeş”, Cəvahir İsmayılova “Mahur”, Zaur Dadaşov “Şur”, “Şikəsteyi-fars” təsniflərini ifa ediblər.

Şagirdlərdən Aysu Abbasova və Murad Məmmədlinin (tar) ifasında Qara Qarayevin “Yeddi gözəl” baletindən “Aişənin rəqsi”, “Vals” təqdim edilib. Məktəbin “Gəncə qönçələri” rəqs ansamblı (bədii rəhbər Xaliq Əliyev) lirik rəqs ifa edib. Gəncə Dövlət Kukla Teatrının rəssamı və aktyoru Məhəmməd Hacıyev Nizami Gəncəvi rolunda səhnəyə çıxıb.

Sonda Gəncə Regional Mədəniyyət İdarəsinin rəisi Vasif Cənnətov kompozisiyanın hazırlanmasına görə məktəbin rəhbərliyinə, pedaqoji kollektivinə minnətdarlığını bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.