SİYASƏT


Türkiyə KİV-ləri Prezident İlham Əliyevin Azərbaycan xalqına bayram təbrikini geniş işıqlandırıb

Ankara, 21 mart, AZƏRTAC

Prezident İlham Əliyevin Novruz bayramı münasibətilə Azərbaycan xalqına təbriki Türkiyənin aparıcı KİV-ləri tərəfindən geniş şəkildə işıqlandırılıb.

AZƏRTAC xəbər verir ki, Anadolu agentliyinin “Azərbaycan Prezidenti Əliyev: Azərbaycanda yeni islahatlar aparılacaq” sərlövhəli xəbəri ölkənin bir çox KİV-ləri tərəfindən tirajlanıb.

“Hüriyyət” və “Yeni akıt” qəzetlərinin, Türkiyənin Avrasiya Araşdırmalar Mərkəzinin rəsmi saytı www.avim.org.tr və digər informasiya mənbələrinin yaydığı xəbərlərdə Prezident İlham Əliyevin təbrikindən götürülən bu sitatlar yer alıb: “İslahatlar dərinləşəcək. İslahatlara alternativ yoxdur. Azərbaycan yeni dövrə qədəm qoyub. Azərbaycan yeniləşir, Azərbaycan güclənir və müasirləşir. Biz dərin milli-mənəvi köklər üzərində güclü dövlət qurmuşuq. Azərbaycan tarixdə heç vaxt indiki qədər güclü olmamışdır. Ancaq o demək deyil ki, əldə edilmiş bu nailiyyətlərlə kifayətlənməliyik. Əldə edilmiş nailiyyətlər bizi gələcəyə daha da nikbinliklə baxmağa həvəsləndirir, buna sövq edir. Bundan sonra Azərbaycan yalnız və yalnız inkişaf və tərəqqi yolu ilə gedəcək, vətəndaşların sosial vəziyyəti ildən-ilə yaxşılaşacaq”.

Qeyd edək ki, Prezident İlham Əliyevin “Məhkum edilmiş bir sıra şəxslərin əfv olunması haqqında” 2019-cu il 16 mart tarixli Sərəncamı da dövlətimizin başçısının növbəti humanist addımı kimi Türkiyə KİV-ləri tərəfindən geniş işıqlandırılıb.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.