ELM VƏ TƏHSİL


UNEC-də Beynəlxalq Ana Dili Gününə həsr olunmuş tədbir

Bakı, 21 fevral, AZƏRTAC

Azərbaycan Dövlət İqtisad Universitetinin (UNEC) biznes və menecment fakültəsi Azərbaycan dili kafedrası ilə birlikdə 21 fevral - Beynəlxalq Ana Dili Gününə həsr olunmuş tədbir keçirib.

Universitetdən AZƏRTAC-a bildirilib ki, tədbirdə əvvəlcə “Ulu öndər Heydər Əliyev və Azərbaycan dili” mövzusunda videoçarx nümayış etdirilib. UNEC-in Azərbaycan dili kafedrasının müdiri, filologiya üzrə elmlər doktoru, professor Tofiq Əbdülhəsənli Beynəlxalq Ana Dili Gününün tarixindən danışıb, ümummilli lider Heydər Əliyevin əsasını qoyduğu dil siyasətinin Prezident İlham Əliyev tərəfindən uğurla davam etdirildiyini vurğulayıb. Kafedra müdiri ana dilinin saflığının qorunması istiqamətində ölkəmizdə həyata keçirilən tədbirlərdən də söz açıb.

Fakültənin baş mentoru, dosent Pikəxanım Xudiyeva ana dilinin tədrisi istiqamətində UNEC-də tələbələrə yaradılan şəraitdən danışıb.

AMEA-nın Nəsimi adına Dilçilik İnstitutunun aparıcı elmi işçisi, filologiya üzrə fəlsəfə doktoru, dosent Təranə Şükürlünün “Müstəqillik illərində dil siyasəti” və elmi işçi Günel Orucovanın “Azərbaycan dilinin inkişaf tarixi” mövzularında məruzələri dinlənilib. Vurğulanıb ki, dil siyasəti dövlət siyasətinin tərkib hissəsidir və daim diqqət mərkəzindədir.

Azərbaycan dili kafedrasının müəllimi, mentor Mətanət Əmrahovanın “Ana dilimiz qürur mənbəyimizdir” mövzusunda məruzəsi maraqla qarşılanıb.

Sonda tələbələr ana dilinə həsr olunmuş şeirlər səsləndiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.