DÜNYA


Yaponiyada yeni sürətli qatarın səhra sınaqları keçirilib

Tokio, 17 may, AZƏRTAC

Yaponiyada sürətli “Şinkansen” ekspressinin yeni modelinin səhra sınaqları keçirilib.

AZƏRTAC xəbər verir ki, 2030-cu ildə kütləvi istismarına başlanması planlaşdırılan qatar saatda 360 kilometr sürətlə hərəkət edib.

Qeyd edək ki, ALFA-X adlandırılacaq yeni qatarın işçi modeli ilk dəfə sınaqlar zamanı jurnalistlərə təqdim edilib. Onlar ölkənin şimal-şərqində yerləşən “Morioka” stansiyasına yaxınlaşan tünd-boz rəngli qatarın fotolarını çəkiblər.

“JR East” şirkətinin hazırladığı ALFA-X modelinin əsas vaqonunun uzunluğu 16 metrə çatır. Qatarın quyruq hissəsində yerləşəcək müqavimət sipərinin uzunluğunun 22 metr olacağı bildirilir. Hər iki nümunə sınaqdan keçirildikdən sonra “JR East” şirkəti kütləvi istehsal üçün modelin son parametrlərini müəyyən edəcək.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.