Qadın voleybolçularımız C qrupunda son oyununu keçirəcək
Bakı, 28 avqust, AZƏRTAC
Bu gün qadın voleybolçulardan ibarət Azərbaycan millisi Bakıda təşkil olunan Avropa çempionatının C qrupunda sonuncu oyununa çıxacaq.
AZƏRTAC xəbər verir ki, Faiq Qarayevin baş məşqçisi olduğu kollektiv Niderlandla üz-üzə gələcək. Qarşılaşma Milli Gimnastika Arenasında, saat 18:30-da start götürəcək.
Qrupun digər görüşündə Rumıniya İspaniyanı sınağa çəkəcək.
Qeyd edək ki, C qrupunun oyunlarına bu gün yekun vurulur. Hazırda Belçika yığması 13 xalla liderdir. Niderland 9 xalla ikinci, Azərbaycan millisi 8 xalla üçüncüdür. Portuqaliyanın 5, Rumıniyanın 3, İspaniyanın 1 xalı var.
Bölmənin digər xəbərləri
