İDMAN


Yeniyetmə güləşçilərimiz Xaçmazda hazırlığı davam etdirirlər

Bakı, 21 may, AZƏRTAC

Yeniyetmələrdən ibarət sərbəst və yunan-Roma güləşi üzrə yığmalarımız Xaçmaz Olimpiya İdman Kompleksində təlim-məşq toplanışı keçirlər.

AZƏRTAC Azərbaycan Güləş Federasiyasına istinadla xəbər verir ki, sərbəst güləşçilər böyük məşqçi Əsgərxan Novruzov, məşqçilər Abil İbrahimov və Yaşar Əliyevin, yunan-Roma güləşçilərimiz isə böyük məşqçi Taleh İsrafilov və məşqçi Nazim Əhmədovun rəhbərliyi altında mayın 17-dən şimal bölgəsində hazırlığı davam etdirirlər.

Millilərimiz həm fiziki, həm də taktiki-texniki çalışmaları yerinə yetirirlər.

Qeyd edək ki, mayın 29-dək davam edəcək təlim-məşq toplanışı iyunda İtaliyada keçiriləcək Avropa çempionatına və iyulda ölkəmizdə təşkil olunacaq Avropa Gənclər Yay Olimpiya Festivalına hazırlıq xarakteri daşıyır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.