"Aeroflot" aviaşirkəti Qazaxıstanın doqquz şəhərinə reysləri ləğv edib
Nur-Sultan, 7 avqust, AZƏRTAC
Rusiyanın “Aeroflot” aviaşirkəti avqustun sonunadək Qazaxıstanın doqquz şəhərində beynəlxalq istiqamətlər üzrə müntəzəm reysləri dayandırdığını bəyan edib.
AZƏRTAC xəbər verir ki, müvafiq qərar mövcud epidemioloji məhdudiyyətlər nəzərə alınmaqla qəbul olunub.
Aviaşirkət avqustun 31-dək Aktau, Aktobe, Almatı, Atırau, Karaqanda, Kostanay, Qızılorda, Nur-Sultan və Çimkent də daxil olmaqla müntəzəm uçuşlar yerinə yetirməyəcək.
Qeyd edək ki, Qazaxıstandan avqust ayında Tailand və Gürcüstana reyslər açılması planlaşdırılır. Rusiya ilə hava əlaqəsinin bərpasının tarixi hələ açıqlanmayıb.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
