® “Ziraat Bank Azərbaycan” 2024-cü ili uğurlu göstəricilərlə yekunlaşdırıb
“Ziraat Bank Azərbaycan” 2024-cü ilin yekunlarına dair maliyyə hesabatlarını açıqlayıb.
Hesabatlara əsasən bank müsbət inkişaf dinamikasını davam etdirərək 2024-cü ili də xalis mənfəətlə başa vurub.
Uğurlu maliyyə nəticələrinə əsasən bankın cəmi aktivləri 921 milyon manatı keçib. Bu da ötən ilin müvafiq dövrü ilə müqayisədə 44,7 faiz çoxdur. 2024-cü il ərzində bankın xalis mənfəəti isə 14 milyon manatı ötüb ki, bu da keçən ilin müvafiq dövrü ilə müqayisədə 70,4 faiz artım deməkdir.
Kredit portfelində də nəzərəçarpan artım müşahidə edilib. Belə ki, ötən ilin müvafiq dövrü ilə müqayisədə bankın biznes kreditləri 32,6 faiz artaraq 498 milyon manata çatıb, istehlak kreditləri isə 95,4 faiz artaraq 5 milyon manatı keçib.
Kredit portfelində olduğu kimi, bankın depozit portfelində də müsbət artım tendensiyası davam etdirilib. Bu da “Ziraat Bank Azərbaycan”a olan inam və etibarın əsas göstəricilərindən biridir. Qeyd edək ki, hesabat dövründə bu istiqamət üzrə portfel ötən ilin eyni rübü ilə müqayisədə 37,5 faiz artaraq 565 milyon manatı ötüb.
Bankın uğurları bununla da bitmir. Belə ki, bankın əməliyyat mənfəəti 29,8 faiz artaraq 32 milyon manatı, xalis faiz gəlirləri isə 19,5 faiz artaraq 36 milyon manatı keçib. Bankın qeyri-faiz gəlirləri 31,63 faiz artaraq 20 milyon manata çatıb.
“Ziraat Bank Azərbaycan” 2025-ci ildə də inkişaf dinamikasını davam etdirməyi planlaşdırır.
Qeyd edək ki, bank 2014-cü il dekabrın 30-da lisenziya alıb və bu il 10 illik yubileyini qeyd edir. İdarə Heyətinin sədri Selçuk Demir yaxın zamanda verdiyi müsahibəsində bankın yaradıldığı gündən etibarən Azərbaycanda ticarət, istehsal, kənd təsərrüfatı və digər strateji sahələrə dəstək verdiyini, bu gün isə artıq bütün müştəri seqmentlərinə xidmət göstərə biləcək səviyyəyə çatdığını vurğulayıb. Bankın əsas hədəflərindən birinin korporativ, kiçik və orta sahibkarlıq, mikro və fərdi müştəri seqmetlərinin “Ziraat Bank Azərbaycan”ın təqdim etdiyi imkanlardan faydalanmasını təmin etmək olduğunu bildirib.
“Ziraat Bank Azərbaycan” ASC Türkiyə Respublikasına məxsus, 161 illik tarixə malik olan “Ziraat Maliyyə Qrupu”nun tərkib hissəsidir və Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Bank korporativ və pərakəndə bankçılıq sahəsində məhsul və xidmətlərini Bakı, Gəncə, Sumqayıt və Naxçıvan şəhərlərində yerləşən ümumi 10 filialı ilə yanaşı, rəqəmsal satış və xidmət platformaları üzərindən də müştərilərə təqdim edir.
Bankın təqdim etdiyi məhsul və xidmətlər haqqında daha ətraflı məlumatı bankın feysbuk, instaqram, X, linkedin, yutub sosial media hesablarından və ya *9229 qısa nömrəsinə zəng edərək əldə edə bilərsiniz.
Bölmənin digər xəbərləri
