ABA sədri: Qonşu dövlətlərlə ödəniş ekosistemlərinin inteqrasiyası dərinləşdirilməlidir
Bakı, 15 may, AZƏRTAC
Qonşu dövlətlərlə ödəniş ekosistemlərinin inteqrasiyası dərinləşdirilməlidir.
AZƏRTAC xəbər verir ki, bunu Azərbaycan Banklar Assosiasiyasının sədri Zakir Nuriyev Bakıda keçirilən “Fintex Sammit 2024” tədbirində deyib.
O bildirib ki, rəqəmsal bankların formalaşdırılması üzrə qanunvericilik islahatlarına, açıq bankçılıq texnologiyalarına əsaslanan ödəniş xidmətlərinin göstərilməsi, elektron pul tətbiqi dairəsinin genişləndirilməsi qarşıdakı dövrdə həyata keçiriləcək vəzifələrdəndir.
“Türk dövlətləri arasında ödəniş sistemlərinin inteqrasiyanın gücləndirilməsi, bu əlaqələrin inkişaf etdirilməsi başlanğıc ola bilər. Bu istiqamətdə mühüm addımlardan biri də ödəniş xidmətləri bazarında xərc maddələrinin, eyni zamanda, beynəlxalq ödəniş sistemləri tərəfindən tətbiq edilən tarif siyasətinin bazar iştirakçıları üçün optimallaşdırılmasıdır”, - deyə ABA sədri əlavə edib.
Bölmənin digər xəbərləri
