ABŞ HƏRBİ QÜVVƏLƏRİ MƏRKƏZİ KOMANDANLIĞININ BAŞ KOMANDANI ÖZBƏKİSTANDA SƏFƏRDƏ OLMUŞDUR

16.08.2003 [01:58]
Çap et
A⁺ A^-

ABŞ Hərbi Qüvvələri Mərkəzi komandanlığının baş komandanı, dördulduzlu general Con Ebizeydin Özbəkistana sənfəri başa çatmışdır. Con Ebizeydin ölkə prezidenti İslam Kərimovla görüşündə iki dövlət arasında hərbi-texniki əməkdaşlığın gələcək inkişafı, terrorizmlə mübarizə, regional təhlükəsizlik məsələləri müzakirə edilmişdir.

Özbəkistan xarici işlər naziri Sadıq Safayev və Özbəkistanın müdafiə naziri Qədir Qulamovla görüşdə də regional təhlükəsizlik, beynəlxalq terrorizmə qarşı birgə mübarizə və Əfqanıstanda sabitliyin gücləndirilməsi haqqında söhbət getmişdir.

ABŞ Hərbi Qüvvələri Mərkəzi komandanlığının baş komandanı Con Ebizeyd bu gün Daşkəndin 500 kilometrində yerləşən “Xanabad” aviasiya bazasında olmuşdur. Bazada 2001-ci ilin oktyabr ayından etibarən 1500-dən çox ABŞ hərbi qulluqçusu yerləşdirilmişdir. Ebizeyd hərbi xidmətin necə keçməsi ilə maraqlanmış, yerli hakimiyyət orqanları ilə əsgər və zabitlərin mənzil-məişət problemləri ilə bağlı söhbət etmişdir.

ABŞ HƏRBİ QÜVVƏLƏRİ MƏRKƏZİ KOMANDANLIĞININ BAŞ KOMANDANI ÖZBƏKİSTANDA SƏFƏRDƏ OLMUŞDUR

MÜƏLLİFLƏ ƏLAQƏ

Bölmənin digər xəbərləri