ABŞ-ın cənubunda hökm sürən anomal soyuqlar azı 10 nəfərin həyatına son qoyub
Bakı, 22 yanvar, AZƏRTAC
Həftəsonu ABŞ ərazisinə Arktika siklonu daxil olub. Ölkənin cənub ştatlarında mövcud anomal soyuq hava səbəbindən ölən şəxslərin sayı 10 nəfərə çatıb.
AZƏRTAC xəbər verir ki, bu barədə “The New York Times” məlumat verib. Bundan əvvəl Amerika mediası 4 nəfərin həlak olduğu barədə məlumat vermişdi.
Ölüm halları əsasən Texas, Alabama və Corcia ştatlarında qeydə alınıb. Ölkə üzrə ümumilikdə son üç gün ərzində 2 mindən çox uçuş ləğv edilib, 13 minə yaxın aviareys isə dayandırılıb.
Luiziana, Missisipi və Alabama da daxil olmaqla bir çox cənub ştatlarının tarixində ilk dəfə olaraq çovğun səbəbindən fövqəladə vəziyyət elan edilib, məktəblərin əksəriyyəti bağlanıb.
Ekstremal hava şəraitinin daha bir neçə gün davam edəcəyi proqnozlaşdırılır.
Bölmənin digər xəbərləri
