ABŞ KOSMOSA GÜCLÜ İNFRAQIRMIZI TELESKOP BURAXMIŞDIR
Assoşieyted Press Agentliyi xəbər verir ki, teleskop diametri 0,85 metr olan güzgü ilə təchiz olunmuşdur. Bu güzgünün, eləcə də digər elmi avadanlığın köməyi ilə teleskop 3-180 mikrometrlik işıq dalğasını aşkar edir. Alimlər bu teleskop vasitəsilə Kainat haqqinda yeni məlumatlar əldə etmək ümüdindədirlər. Aparat qalaktikanın elə obyektlərini görməyə qadirdir ki, onlar ya öz işığını saçmaq üçün həddindən artıq aşağı temperaturdadır, ya da ulduz külünə büründüyündən nəzərə çarpmırlar.
Yeni peyk NASA-nın dördüncü və sonuncu optik sistemidir. O, “Böyük rəsədxanalar” proqramı çərçivəsində yaradılmışdır. Bundan əvvəl orbitə Habbl, Çandra və Kompton teleskopları çıxarılmışdı.
Bölmənin digər xəbərləri
