ABŞ SƏFİRİ İQAMƏTGAHINDA İFTAR SÜFRƏSİ AÇMIŞDIR
AZƏRTAC xəbər verir ki, ABŞ-ın Azərbaycandakı səfiri Ann Ders öz iqamətgahında din xadimləri, hökumət nümayəndələri, müsəlman ölkələrinin diplomatik missiyalarının və mətbuat orqanlarının rəhbərləri, digər qonaqlar üçün iftar süfrəsi açmışdır.
Dini Qurumlarla İş üzrə Dövlət Komitəsinin sədri Hidayət Orucov, Qafqaz Müsəlmanları İdarəsinin sədri şeyxülislam Allahşükür Paşazadə də mərasimdə olmuşlar.
Səfir Ann Ders və Hidayət Orucov çıxış etmişlər.
Diplomat qeyd etmişdir ki, mən Ramazan ayını Azərbaycanda keçirməyimdən şərəf duyuram. Azərbaycanın bütün dünyaya nümunə olacaq dini tolerantlıq və müxtəliflilik tarixi vardır. Amerika Biləşmiş Ştatları da, həmçinin bu müxtəliflilik və fərqliliyə hörmət ənənəsinə şərik olur. Ümid edirəm ki, nə vaxtsa bizim şərik olduğumuz dəyərlər bütün dünya ölkələrində də öz əksini tapacaqdır.
Bölmənin digər xəbərləri
