ABŞ STOMATOLOQLARI DİŞ FIRÇASINI ASTA BASMAĞI MƏSLƏHƏT GÖRÜRLƏR
AZƏRTAC xarici informasiya agentliklərinə istinadla xəbər verir ki, ABŞ stomatoloqları onların qəbuluna düşmək istəməyənlərə diş fırçasını asta basmağı məsləhət görürlər. Əlbəttə, həkimlər dişləri gündə təmizləməyin faydasını inkar etmirlər. Lakin bu zaman onları fırça ilə uzun-uzadı sürtməyə dəyməz. Bununla bağlı aparılan yeni tədqiqatlar çərçivəsində bir qrup könüllünün dişlərini təmizləməsi ay ərzində kompüter vasitəsilə müşahidə edilmişdir. Məlum olmuşdur ki, dişləri iki dəqiqə ərzində, özü də fırçanı asta basmaqla təmizləmək lazımdır. Bu, dişləri gigiyenik və estetik olmayan ərpdən təmizləmək üçün kifayətdir. Dişləri uzun müddət fırçalamağın, əslində, heç bir xeyiri yoxdur, əksinə, bu zaman onların emalı və damaq zədələnə bilər.
Bölmənin digər xəbərləri
