Abşeron rayonunda qaçırdıqları avtomobillə qəza törədən iki qardaş saxlanılıb
Bakı, 4 may, AZƏRTAC
Abşeron Rayon Polis Şöbəsinə Sumqayıt şəhər sakini İ.İbişlinin “QAZ-3110” markalı avtomobilinin mayın 2-də saat 22 radələrində Saray qəsəbəsi ərazisindən qaçırılması barədə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, təxirəsalınmaz əməliyyat-axtarış tədbirləri nəticəsində avtomobil həmin gün saat 23 radələrində qəsəbə ərazisində elektrik dirəyinə vurulmuş vəziyyətdə tapılıb. Nəqliyyat vasitəsini qaçırmaqda şübhəli bilinən şəxslər - qəsəbə sakinləri V.Ağalı və yeniyetmə qardaşı saxlanılıblar.
Hadisə ilə bağlı araşdırma aparılır.
Bölmənin digər xəbərləri
