AFRİKADA NADİR ÇƏHRAYI ALMAZ TAPILMIŞDIR
Xarici informasiya kanallarından AZƏRTAC-a məlum olmuşdur ki, Cənubi Afrikada yeni növ almaz tapılmışdır. Çəkisi 13,7 karat olan bu almaz tapıldığı Tirisano şaxtasının şərəfinə Tirisano Şərq almazı adlandırılmışdır. Almazlar ultra-çəhrayı şüaların təsiri ilə öz rəngini dəyişir, lakin tünd çəhrayı çalar çox nadir haldır. Bundan başqa, bu qiymətli daş şüalandıqdan sonra bir neçə dəqiqə çəhrayı rəngdə qalır. Almazı tədqiq edən ekspertlər onun qeyri-adiliyinə şübhə etmirlər. Lakin onun dəqiq qiyməti ətraflı laboratoriya analizindən sonra müəyyən olunacaqdır. Qiymətli daş “Etruscan” və “Mountain Lake” şirkətlərinin mülkiyyətidir və şirkətlər bu nadir almazı auksionda satmaq fikrindədirlər.
