Ağcabədi rayon sakinindən üç kiloqramdan artıq marixuana aşkarlanaraq götürülüb
Bakı, 16 may, AZƏRTAC
Ağcabədi Rayon Polis Şöbəsinin əməkdaşları tərəfindən narkotik tərkibli vasitələrin qanunsuz dövriyyəsində şübhəli bilinən şəxs saxlanılıb.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-a bildiriblər ki, narkotik vasitə olan marixuananın alqı-satqısı ilə məşğul olan Hindarx qəsəbə sakini Sadiq Gözəlov rayon polis şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində saxlanılıb. Onun yaşadığı ünvana baxış keçirilən zaman üç kiloqramdan artıq marixuana və 10 qramdan artıq çətənə bitkisinin toxumları aşkar olunaraq götürülüb.
Faktla bağlı Ağcabədi Rayon Polis Şöbəsi tərəfindən araşdırmalar davam etdirilir.
Bölmənin digər xəbərləri
