SİYASƏT
AĞDAM RAYONU ƏHMƏDAĞALI KƏNDİNDƏ YAŞAYAN BİR QRUP AXCP ÜZVÜNÜN BƏYANATI
Bildiririk ki, 24 avqust 2002-ci il tarixdə bütün respublikada olduğu kimi Əhmədağalı kəndində də 14 saylı referendum məntəqəsində ümumxalq səsverməsi çox mütəşəkkil şəkildə keçirildi. Müxalif partiyaların bu referendumu guya qeyri-demokratik şəkildə keçiriləcəyini bəri başdan, heç bir əsas olmadan bildirmələri bizi vadar etdi ki, bu məntəqədə səsvermənin gedişini axıra qədər izləyək. Belə də etdik və bu nəticəyə gəldik ki, bizim təmsil olunduğumuz AXCP də olmaqla müxalif partiyaların verdikləri bəyanatlar boş sözdən başqa bir şey deyildir.
Bizim olduğumuz məntəqədə səsvermə tam şəffaf olaraq keçirilmiş, əhali kütləvi şəkildə referendumda iştirak etmiş, hər bir kəs şəxsiyyət vəsiqəsini təqdim edərək səsini vermişdir. Bütün respublika ərazisində bu cür olmasına tam əminik.
Lakin AXCP rəhbərliyinin bu səsvermənin guya qeyri-şəffaf keçməsi, nəticələrinin saxtalaşdırılması barədə əsassız iddialarını rədd edirik və partiya rəhbərlərinin səhv siyasi xəttinə etiraz əlaməti olaraq AXCP-dən istefa verərək, bundan sonrakı siyasi fəaliyyətimizi YAP sıralarında davam etdirmək arzusundayıq.
AXCP üzvləri:
1.Məmmədov Zeynal Boran oğlu (üzvlük vəsiqəsi N 7491)
2. Əliyev Camal Kamal oğlu (üzvlük vəsiqəsi N 7495)
3. Abbasov İldırım Rəhim oğlu (üzvlük vəsiqəsi N 7514)
Bölmənin digər xəbərləri
