Ağdamın Ergi qəsəbəsinə gedən yol asfaltlanır
Ağdam, 13 yanvar, Tahir Ağaməmmədov, AZƏRTAC
Ağdam rayonunun Ergi qəsəbəsinə gedən avtomobil yolu əsaslı təmir edilir.
AZƏRTAC-ın bölgə müxbiri xəbər verir ki, bu yol uzun illərdir təmirsiz olduğundan sakinlər üçün çətinliklər yaradırdı. Nəhayət, çətin günlər geridə qalır. Ağdam Rayon İcra Hakimiyyətinin təşəbbüsü, Qaçqınların və Məcburi Köçkünlərin İşləri üzrə Dövlət Komitəsinin təşkilatçılığı ilə yola asfalt örtük salınır. Təmir işləri zamanı yol yatağı genişləndirilib, qum-çınqıl qarışığı ilə hamarlanıb. Uzunluğu 5 kilometr olan yolun 4,5 kilometr hissəsində işlər tamamlanıb.
Əsaslı təmir işləri yaxın günlərdə yekunlaşacaq.
Bölmənin digər xəbərləri
