AĞSUDA ŞƏHİD AİLƏLƏRİ VƏ QARABAĞ ƏLİLLƏRİÜÇÜN YAŞAYIŞ BİNALARI TİKİLİR
AZƏRTAC xəbər verir ki, Ağsuda şəhid ailələri və Qarabağ əlilləri üçün hər biri 16 mənzilli iki yaşayış binası inşa edilir. Binalardan biri Əmək və Əhalinin Sosial Müdafiəsi Nazirliyinin, digəri isə Ağsu Rayon İcra Hakimiyyətinin sifarişi ilə tikilir.
Müasir memarlıq üslubunda inşa edilən və bütün kommunal şəraitə malik olacaq evlər gələn ilin birinci rübündə istifadəyə veriləcəkdir.
Tikinti işlərini qrafikə uyğun davam etdirən “Azəraqrartikinti” ASC-nin Ağsu filialının kollektivi artıq ikinci mərtəbələrdə hörgü işlərini başa çatdırmışlar.
