Aİ-ÜST layihəsi çərçivəsində infodemiyanın idarə olunması mövzusunda təlim keçirilib
Bakı, 30 oktyabr, AZƏRTAC
COVID-19 pandemiyası dövründə indiyə qədər görünməmiş həcmdə şayiələr, konspirasiya nəzəriyyələri, yanlış məlumatlar və dezinformasiyalar meydana çıxdı. Bu isə ictimai səhiyyə və sosial tədbirlərə riayət olunmasına öz təsirini göstərdi, tərəddüd və inamsızlığa səbəb oldu.
Azərbaycanda infodemiyaya qarşı mübarizəni dəstəkləmək məqsədilə Avropa İttifaqı (Aİ) və Ümumdünya Səhiyyə Təşkilatının (ÜST) ortaq “Sağlamlıq üçün həmrəylik təşəbbüsü” layihəsi çərçivəsində müxtəlif təşkilatların nümayəndələri üçün “İnfodemiyanın idarəolunması” mövzusunda təlim təşkil edilib.
ÜST-nin Azərbaycandakı nümayəndəliyindən AZƏRTAC-a bildirilib ki, sözügedən təlim infodemiyanın idarəolunması sisteminin qurulması və saxlanılması üçün ölkə səviyyəsində bu sahə üzrə ehtiyacları qarşılamaq məqsədi daşıyıb.
Təlimdə 9 fərqli təşkilatın 20-dən çox əməkdaşı iştirak edib. Bilik və bacarıqların artırılması təlimində ÜST-nin Avropa üzrə Regional Ofisinin mütəxəssisləri iştirakçılara infodemiya anlayışı və onun yaratdığı sağlamlıq risklərini izah edib, infodemiyanı dinləmə və ona qarşı mübarizə məqsədilə xüsusi vasitələrdən və taktikalardan istifadə üçün lazımi tövsiyələr veriblər.
Bölmənin digər xəbərləri
