Aleksandr Şarovskinin yubiley gecəsi keçiriləcək
Bakı, 26 yanvar, AZƏRTAC
Bu il Azərbaycanın Xalq Artisti, S.Vurğun adına Azərbaycan Dövlət Rus Dram Teatrının baş rejissoru Aleksandr Şarovskinin 70 yaşı tamam olur.
AZƏRTAC xəbər verir ki, bu münasibətlə fevralın 10-da Rus Dram Teatrında “Teatr həyatdır!” adlı yubiley gecəsi keçiriləcək.
Aleksandr Şarovski 1967-ci ildən Azərbaycan Dövlət Gənc Tamaşaçılar Teatrında aktyor işləyib. 1974-cü ildən S.Vurğun adına Azərbaycan Dövlət Rus Dram Teatrında çalışır, 1993-cü ildən teatrın baş rejissorudur. Azərbaycanda teatr sənətinin inkişafındakı xidmətlərinə görə 2008-ci ildə “Şöhrət” ordeninə layiq görülüb. Habelə “Qızıl dərviş” və “Humay” mükafatları laureatıdır. Aleksandr Şarovski Rusiyanın “Puşkin medalı”, “Müqəddəs Apostol Varfolomey” qızıl medalı ilə təltif edilib.
Bölmənin digər xəbərləri
