ALİ MƏKTƏBLƏRƏ V İXTİSAS QRUPU ÜZRƏ QƏBUL İMTAHANI KEÇİRİLMİŞDİR

31.07.2004 [19:03]
Çap et
A⁺ A^-

Tələbə Qəbulu üzrə Dövlət Komissiyasının (TQDK) ictimaiyyətlə əlaqələr bölməsindən AZƏRTAC-a bildrimişlər ki, iyulun 31-də respublikanın ali məktəblərinə V ixtisas qrupu üzrə imtahan keçirilmişdir. Bakı şəhərində 12953, Naxçıvanda isə 1321 abituriyent imtahan vermişdir. Bilik yarışında 13710 nəfər qız, 564 nəfər isə oğlan abituriyent öz bacarığını sınamışdır. İmtahan verənlərin 9791 nəfəri 2004-cü ilin məzunudur. Abituriyentlərin ixtiyarına Bakı şəhərində 26, Naxçıvanda isə 3 bina verilmişdir. İmtahana Bakı və Sumqayıt şəhərlərinin orta məktəblərindən 1095 müəllim nəzarət etmişdir. Bilik yarışına 91 nəfər qabaqcıl mütəxəssis rəhbərlik etmişdir.

Ali məktəblərə qəbul olunmuş abituriyentlərin siyahısı avqustun ilk on günlüyündə elan olunacaq, “Abituriyent” jurnalının 5-ci nömrəsində dərc ediləcək və TQDK-nın İnternet səhifəsində yerləşdiriləcəkdir.

İmtahanların nəticələri elan edildikdən sonra təhsil formasından asılı olmayaraq hər hansı bir ixtisasa yerləşdirilmiş abuturiyent lazımi sənədləri on gün müddətində daxil olduğu təhsil müəssisəsinə təqdim etməklə qeydiyyatdan keçməlidir. Əks halda o, ali məktəbə qəbul olunmur.

Nəticələr elan olunduqdan sonra boş qalan yerlərə əlavə yerləşdirmə aparılacaqdır.

Ali məktəblərə qəbul imtahanlarında toplanmış ballara əsasən orta ixtisas məktəblərinə tələbə qəbulunun elanı (I mərhələ), müsabiqə şərtləri, ixtisasların siyahısı abituriyent jurnalının 7-ci nömrəsində dərc ediləcəkdir.

ALİ MƏKTƏBLƏRƏ V İXTİSAS QRUPU ÜZRƏ QƏBUL İMTAHANI KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri