ALİ MƏKTƏBLƏRİN MAGİSTRATURA PİLLƏSİNƏ KEÇİRİLMİŞ QƏBUL İMTAHANININ NƏTİCƏLƏRİ AÇIQLANMIŞDIR
2008-2009-cu tədris ili üçün Azərbaycan Respublikası ali məktəblərinin magistratura pilləsinə iyunun 22-də Bakı və Naxçıvan şəhərlərində keçirilmiş qəbul imtahanının nəticələri açıqlanmışdır.
Tələbə Qəbulu üzrə Dövlət Komissiyasından (TQDK) AZƏRTAC-a bildirmişlər ki, bu il magistratura pilləsinə nəzərdə tutulmuş 4 min 809 yerə 15 min 124 bakalavr sənəd vermişdir. Ümumilikdə qəbul planının 64,61 faizi ödənilmişdir.
Komissiyanın şöbə müdiri Arzu Bağırov demişdir ki, boş qalan yerlərə avqustda müsabiqə keçiriləcəkdir.
Magistraturaya qəbul olunan bakalavrlar iyunun 25-dən etibarən qəbul olunduqları ali məktəblərdə qeydiyyatdan keçməlidirlər. Nəzərdə tutulan müddətdə qeydiyyatdan keçməmək qəbul olmaqdan imtina kimi qiymətləndiriləcəkdir.
Bölmənin digər xəbərləri
