ALİMLƏR BƏŞƏRİYYƏTİN GƏLƏCƏYİ HAQQINDA DÜŞÜNÜRLƏR
AZƏRTAC-ın xüsusi müxbiri xəbər verir ki, “Rosbalt” informasiya agentliyində “Postinsan: neandartaldan kiborqa doğru” kitabının təqdimatı olmuşdur. Kitab dünyanın aparıcı intellektuallarının insanın yaxın gələcəyi ilə bağlı baxışlarının ümumiləşdirilməsinə yönəldilmiş üçillik layihənin nəticəsidir. Layihənin mahiyyəti müxtəlif ölkələrdən olan tanınmış alim və filosofların bəşəriyyətin inkişafının mümkün istiqamətləri, insanın növ kimi dəyişilməsi, əxlaq və dəyərlər sisteminin təkamülü, cəmiyyətin siyasi, iqtisadi və sosial inkişafının yeni meyilləri barədə fikirlərini bir yerə toplamaqdan ibarətdir.
Bəzi tədqiqatçıların fikrincə, XXI əsrin axırlarında bəşəriyyəti ya uçurum, ya da ki, kosmosa doğru qlobal irəliləyiş gözləyir. Alimlərin qənaətinə görə, əsrin axırı üçün hamımıza yaxşı tanış olan bəşəriyyət artıq qalmaya bilər. Əgər qalmış olarsa, bu, getdikcə daha mükəmməl səviyyəyə çatacaq texnologiyaların hesabına mümkün ola bilər.
Bölmənin digər xəbərləri
