Alimlər: Herpes xərçəngə qarşı ən effektiv vasitədir
Bakı, 14 avqust, Elşad Qəzvini, AZƏRTAC
Genetik modifikasiyalı viruslar insan orqanizmində bəd xassəli şiş yaratmaq istəyən hüceyrələrlə mübarizə aparır.
AZƏRTAC “Deutsche Gesundheits Nachrichten” saytına istinadən xəbər verir ki, belə bir açıqlama ilə britaniyalı tibbi ekspertlər çıxış ediblər.
Artıq bu istiqamətdə ilk addım da atılıb. “İmmunoterapiya” adlandırılan müalicə prosesində genetik modifikasiyalı virusdan istifadə olunub ki, nəticədə melanom (dəri xərçəngi) diaqnozu olan xəstənin həyatını uzatmaq mümkün olub.
Məlum olub ki, Herpes virusu şiş olan nahiyəyə yeridilib və genetik modifikasiyalı virus xərçəng hüceyrəsi olan hissədə immun reaksiyası yaradaraq şişi məhv edib.
Həkimlər bu üsulun xəstəliyin ilkin mərhələsində daha təsirli olacağını deyirlər. Tədqiqatın ən diqqət çəkən məqamı isə ondan ibarətdir ki, Herpes virusu olan insanlarda xərçəngə yoluxma riski azdır.
Bölmənin digər xəbərləri
