Alimlər: Pis xəbərlər insan sağlamlığına mənfi təsir edir
Bakı, 13 avqust, AZƏRTAC
Hollandiyalı alimlər müəyyənləşdiriblər ki, pis xəbərlər insan səhhətinə mənfi təsir edir.
AZƏRTAC Rusiyanın “İnform Vest” saytına istinadla xəbər verir ki, “Nivel” İnstitutunun mütəxəssisləri pis xəbərlərin insanlara mənfi təsirini öyrəniblər. Eksperiment üçün onlar statistik məlumatları araşdırıblar. Məlum olub ki, əksər adamlar kütləvi informasiya vasitələrində yayılan ciddi və təhlükəli hadisələrlə bağlı xəbərlər səbəbindən yüksək təzyiq və ürək-damar sistemi problemləri ilə həkimə müraciət edirlər.
Buna misal olaraq mütəxəssislər 2001-ci il 11 sentyabr terror aktını nəzərdən keçiriblər. Həmin faciə barədə məlumatlardan sonra tibbi yardım üçün müraciət edən insanların sayı əhəmiyyətli dərəcədə artıb.
Alimlər onu da bildirirlər ki, təkcə qlobal miqyaslı xəbərlər insan sağlamlığına mənfi təsir göstərmir, həmçinin insanın şəxsi həyatı ilə bağlı aldığı ağır xəbərlər də ona ziyan vurur.
Bölmənin digər xəbərləri
