ALMAN HƏKİMLƏR PASİYENTİN ƏLLƏRİNİ BƏRPA ETMİŞLƏR
AZƏRTAC xəbər verir ki, Münxendə alman həkimlər əllərin köçürülməsi üçün nadir cərrahiyyə əməliyyatı aparmışlar. Həkimlər cərrahiyyə masası yanında, demək olar, iki gün dayanmışlar. Pasiyentin vəziyyəti qənaətbəxşdir.
Dünyada ilk dəfə eyni vaxtda iki əlin köçürülməsi üçün cərrahiyyə əməliyyatında 30 nəfər iştirak etmişdir. Yeni əllər altı il əvvəl qəza nəticəsində əllərini itirmiş 54 yaşlı almana köçürülmüşdür.
Həkimlər onun vəziyyətini qənaətbəxş hesab edirlər. Cərrahlar nadir əməliyyata hazırılıq görülməsinə bir neçə il sərf etmişlər. Əməliyyatın təfərrüatı bu həftənin sonunda açıqlanacaqdır. Bununla belə, Avropa KİV-ləri xatırladırlar ki, ovucun ilk transplantasiyası on il əvvəl fransız cərrah Jan-Mişel Dubernar tərəfindən uğurla həyata keçirilmişdir. Sonra onun həmkarı Denis Şatelye pasiyentə iki əl calamışdır. O,artıq üç həftədən sonra barmaqlarını hiss edə bilmişdir.
Bölmənin digər xəbərləri
