ALMANİYA FEDERATİV RESPUBLİKASININ FEDERAL KANSLERİ ZATİ-ALİLƏRİ XANIM ANGELA MERKELƏ
Almaniya Federativ Respublikasının milli bayramı – Alman birliyi günü münasibətilə Sizi və bütün xalqınızı ürəkdən təbrik edirəm.
Biz Azərbaycan ilə Almaniya arasındakı münasibətlərin inkişafına xüsusi əhəmiyyət veririk. Əlaqələrimizin əhatə dairəsinin gündən-günə genişlənməsi, həm ikitərəfli qaydada, həm də beynəlxalq formatda əməkdaşlığımızın uğurla davam etməsi böyük məmnunluq doğurur.
Bu günlərdə ölkənizdə keçirilmiş Beynəlxalq Bertelsmann-2006 Forumu çərçivəsində aparılan geniş müzakirələr, ətraflı fikir mübadiləsi Ümumavropa proseslərinə və təşəbbüslərinə dair baxışlarımızın və mövqelərimizin üst-üstə düşdüyünü bir daha təsdiq etdi. Fürsətdən istifadə edərək, forumda iştirak etmək üçün ölkənizə səfərim zamanı göstərilən qonaqpərvərliyə, diqqət və qayğıya görə Sizə təşəkkür edirəm.
Belə bir əlamətdar gündə Sizə ən xoş arzularımı yetirir, möhkəm cansağlığı, işlərinizdə uğurlar, dost Almaniya xalqına əmin-amanlıq və firavanlıq diləyirəm.
Hörmətlə,
İlham Əliyev
Azərbaycan Respublikasının Prezidenti
Bakı, 26 sentyabr 2006-cı il.
Bölmənin digər xəbərləri
