ALMANİYA HÖKUMƏTİ 500 MİN AVRO VƏSAİT AYIRMIŞDIR
Xanım Miller demişdir ki, həmin vəsait Azərbaycan tələbələrinin qrup şəklində Almaniyaya səfərlərinin maliyyələşdirilməsinə, DAAD xətti ilə təhsil alan tələbələrə təqaüd ayrılmasına, habelə ölkəmizdə dilöyrənmə kurslarının təşkilinə sərf ediləcəkdir.
Onun sözlərinə görə, bu ilin yayında Azərbaycan ali məktəblərinin onlarca tələbəsi alman dilini öyrənmək üçün Almaniyada biraylıq kurs keçmək imkanı əldə etmiş, respublikanın 90-dan artıq vətəndaşı isə DAAD xətti ilə Almaniyanın ali məktəblərində təhsil almaq üçün ərizə vermişdir.
Xatırladaq ki, Almaniyanın Akademik Mübadilə Xidməti 70 il bundan əvvəl ölkənin bir neçə ali məktəbinin birgə səyi ilə yaradılmışdır və hazırda dünyanın müxtəlif regionlarında 13 filialı var. Onun büdcəsi 250 milyon ABŞ dollarından çoxdur və bu vəsait Almaniya hökumətinin, Avropa Birliyinin ianələri hesabına hər il artır.
Bölmənin digər xəbərləri
