ALMANİYA XƏSTƏXANALARINDAN BİRİNDƏ CİNAYƏT TÖRƏDİLMİŞDİR
AZƏRTAC-ın müxbiri Almaniya polisinin məlumatına istinadla xəbər verir ki, Allgöy şəhərindəki xəstəxananın 25 yaşlı işçisi bir gecədə 10 ağır xəstənin həyatına qəsd etmiş, onlara ağrıkəsən iynələri bilərəkdən artıq doza ilə vurmaqla öldürmüşdür. Öldürülənlərdən altısı 70-89 yaşlı qadın, dördü isə 60-88 yaşlı kişilərdir. Qəsdçi tezliklə ifşa olunmuşdur. Qəsdi bilərəkdən törətdiyini etiraf edən cinayətkar demişdir ki, “ömürlərini firavanlıqla başa vurmuş bu qocaların yaşamaq həvəsi, gecələr zarımaları, allaha yalvarışları məni lap təngə gətirmişdi. Onlardan intiqam almışam”.
Məhkəmə tibb ekspertləri hadisəni törədən şəxsin şüurunda pozuntu və ruhi xəstəlik əlamətlərinin olmadığını təsdiq etmişlər. Cinayətkar ömürlük həbs cəzasına məhkum olunmuşdur.
Bölmənin digər xəbərləri
