DÜNYA
ALMANİYADA BEYNƏLXALQ OYUNCAQ YARMARKASI AÇILMIŞDIR
AZƏRTAC xarici KİV-lərə istinadla xəbər verir ki, Almaniyanın Nürnberq şəhərində açılmış “Toy fer-2006” 57-ci beynəlxalq oyuncaq yarmarkasında 63 ölkədən 2,8 minədək şirkət iştirak edir.
Yarmarkanın təşkilat komitəsinin məlumatına görə, dünyada ən iri oyuncaq sərgisində bir milyondan çox oyuncaq, o cümlədən 60 mindən artıq yeni oyuncaq nümayiş etdirilir. Onların arasında Motsartın 250 illik yubileyi ərəfəsində buraxılmış və bu böyük bəstəkarı əks etdirən kukla da var. Bu ilin yayında AFR-də keçiriləcək futbol üzrə dünya çempionatının rəmzləri ilə buraxılmış lisenziyalı oyuncaqlar ayrıca ekspozisiyada nümayiş etdirilir.
Fevralın 7-dək davam edəcək ixtisaslaşdırılmış yarmarkanın ekspozisiyası ilə 100-dən çox ölkədən 77 minədək mütəxəssisin tanış olacağı gözlənilir.