Almaniyada yaşayan azərbaycanlı uşaqlar üçün Azərbaycanla bağlı kurslar keçiriləcəkdir
Bakı, 11 noyabr (AZƏRTAC). Almaniyanın Köln şəhərində fəaliyyət göstərən Azərbaycan Mədəniyyət Evi burada yaşayan azərbaycanlı uşaqlar üçün məktəb layihəsi həyata keçirməyə başlamışdır.
Azərbaycan Mədəniyyət Evindən AZƏRTAC-a bildirilmişdir ki, məktəbin yaradılması zərurəti burada böyüyən uşaqların milli mədəni irsimizdən uzaq düşmələri ilə bağlıdır. Hələlik kurslar formasında fəaliyyət göstərəcək məktəbdə həftə sonları uşaqlara Azərbaycan dili, ədəbiyyatı, tarixi, coğrafiyası və mədəni irsimizlə bağlı dərslər keçiləcəkdir.
Bundan başqa, Azərbaycan əlifbası kursları, uşaqlar üçün Azərbaycan rəqsi, tar, fortepiano, məktəb dərslərinə kömək və s. kurslar da təşkil olunacaqdır.
Mədəniyyət Evinin tərkibində futbol klubu fəaliyyət göstərəcəkdir.
Bölmənin digər xəbərləri
