AMEA-DA RESPUBLİKA KONFRANSI KEÇİRİLMİŞDİR
Martın 29-da Azərbaycan Milli Elmlər Akademiyası Rəyasət heyətinin iclas salonunda 31 mart - azərbaycanlıların soyqırımi gününə həsr edilmiş respublika konfransı keçirilmişdir.
AMEA-nın prezidenti, akademik Mahmud Kərimov konfransı açaraq dedi ki, dövlətimizin başçısı Heydər Əliyevin 1998-ci il 26 mart tarixli Fərmanı ilə xalqımızın qan yaddaşı kimi təqvimə düşən bu günü Azərbaycan elmi ictimaiyyəti dörd ildir ki, gözəl memarlıq abidəsi olan keçmiş “İsmailiyyə”də 1918 -ci ildəki soyqırımı günlərində ermənilərin yandırdıqları bu binada qeyd edir.
1918-ci il mart qırğınlarının erməni terrorizminin və etnik təmizləmə siyasətinin tərkib hissəsi olduğunu natiq Qafqaz regionunun aborigen xalqı olan azərbaycanlıların zaman-zaman erməni soyqırımına məruz qaldığını şəraitdə Azərbaycan reallıqlarının obyektiv şəkildə dünyaya çatdırılmasında alimlərimizin daha çox məsuliyyət daşıdıqlarını xatırlatdı.
Konfransda AMEA-nın müxbir üzvü Nizami Cəfərov, professor Vaqif Arzumanlı, tarix elmləri doktoru Tahir Qaffarov və başqaları ətraflı məruzələr etdilər. Natiqlər erməni “etno-mədəni” kompleksinin nadir mədəniyyəti və çoxəsrlik ilə seçilən Qafqaz regionu üçün yaratdığı təhlükənin kökləri, ümumiyyətlə, uydurma və mif üzərində qurulmuş erməni tarixi, mədəniyyəti, dini, erməni kilsəsi və sair məsələlərdən geniş söhbət açdılar.
Konfransda AMEA-nın nəzdində türk-erməni münasibətlərini, terror və soyqırım məsələlərini araşdıran elmi mərkəzin yaradılmasının zəruri olduğu vurğulandı.
Bölmənin digər xəbərləri
