Amerika alimləri içilən mayenin real miqdarını müəyyən edən metod işləyib hazırlayıblar
Bakı, 16 iyul, AZƏRTAC
Orqanizmin səmərəli fəaliyyəti üçün optimal miqdarda maye içilməlidir. Düzgün su rejimi hipertoniya, iltihab riskini azaldır, orqanizmdə lipidlərin səviyyəsini normaya salır. Bu zaman içkilərin keyfiyyəti də böyük rol oynayır.
AZƏRTAC “Zee News”a istinadla xəbər verir ki, ABŞ-ın Texnologiya Universitetinin (Virciniya ştatı) alimləri sutkada içilən real mayenin müəyyən olunması indeksini işləyib hazırlayıblar. Bu zaman mümkün olan bütün maye tipləri nəzərə alınıb.
İndeks içkilərin enerji səviyyəsini, tərkibindəki kalori və faydalı maddələrin miqdarını, alkoqolun faizini və digər faktorları nəzərə alan on bənddən ibarətdir. Bu metod 16 min adamın sağlamlıq və qida rasionunun vəziyyəti əsasında işlənib hazırlanıb.
100 bölümü olan şkala insanın ideal su rejiminə nə dərəcədə yaxın olduğunu göstərir. 100 bala yaxınlaşdıqca, yüksək arterial təzyiqin səviyyəsi azalır, qanda insulin göstəriciləri ideala yaxınlaşır.
Bölmənin digər xəbərləri
