AMERİKALI ADİ HAVA ŞARLARI İLƏ 378 KİLOMETRLİK MƏSAFƏNİ QƏT ETMİŞDİR
AZƏRTAC xəbər verir ki, amerikalı Kent Kouç adi uşaq şarları bağlamasına bərkidilmiş bağ kürsüsünə oturub havada uçmuş və 230 mil (378 kilometr) məsafə qət edə bilmişdir.
Oreqon ştatının Bend şəhərindəki yanacaqdoldurma məntəqəsinin 48 yaşlı sahibinə çoxdankı arzusunu həyata keçirmək üçün heliumla doldurulmuş 150-dən çox şar lazım olmuşdur. Doğma şəhərində havaya qalxan Kouç Aydaho ştatındakı Kembric şəhərinin yaxınlığında yerə enmişdir.
Kouç uğurla yerə endikdən sonra telekameralar qarşısında demişdir: “Əgər mənim pulum və vaxtım olsaydı, hər həftə belə uçuş keçirərdim”.
Bu, heliumla doldurulmuş şarlarla üçünçü uçuşdur. 1982-ci ildə səmaya qalxmaq üçün bu üsuldan istifadə etmiş Dari Uolter Los-Ancelesin qəhrəmanı olmuş və yol hərəkəti qaydalarını pozduğuna görə 1,5 min dollar cərimə ödəmişdir.
Heliumla doldurulmuş şarlarda Atlantik okeanı üzərində üçmaq üçün göstərilən daha bir cəhd 42 yaşlı keşiş Adelir de Karlinin həlak olması ilə nəticələnmişdir.
