Anar Bağırov: Vəkilin biliyi hakimdən, prokurordan, müstəntiqdən az ola bilməz
Bakı, 7 noyabr, AZƏRTAC
Ölkədə vəkillərin sayı az olsa da, vəkil qıtlığı yaşansa da, son illər ərzində keçirilən imtahanlar, müsahibələr nəticəsində vəkillərin sayı xeyli artıb.
AZƏRTAC xəbər verir ki, bunu Vəkillər Kollegiyasının sədri Anar Bağırov vəkillərin andiçmə mərasimində deyib.
"Müəyyən təşkilatlar tərəfindən böyük təzyiqlər var. Azərbaycanda nəyə görə vəkillərin sayı artmır sualları ilə üzləşirik. Bildirmək istəyirik ki, biz vəkilliyə qəbulu imtahansız keçirə bilmərik. Dünyanın heç bir sivil ölkəsində vəkilliyə qəbul imtahansız keçirilmir. Vəkilin biliyi hakimdən, prokurordan, müstəntiqdən az ola bilməz. Ona görə də imtahanlar çətin və mürəkkəbdir. Son imtahandan keçən namizədlərin sayı çox az oldu, hətta 30 faizə çatmadı. Müəyyən dərəcədə bu məsələyə bir də baxmalıyıq. Bu dəfə imtahanda iştirak edən 284 namizədin 125-i təkrar imtahan verənlərdir. Təəssüf ki, onlar imtahana yetərincə hazırlaşmayıblar", - deyə A.Bağırov bildirib.
Bölmənin digər xəbərləri
