“Android” sistemi üçün 17 min mobil proqram qurğudakı bütün əməliyyatları qeydə alır
Bakı, 15 fevral, AZƏRTAC
Kaliforniyada Beynəlxalq Kompüter Elmləri İnstitutu tərəfindən keçirilmiş yeni araşdırma nəticəsində məlum olub ki, "Android" sistemi üçün təxminən 17 min mobil proqram qurğudakı bütün əməliyyatları qeydə alır.
AZƏRTAC xarici KİV-lərə istinadla xəbər verir ki, izləmə reklam identifikatorunun ("Advertising ID") köməyi ilə aparılır, "Google"un siyasətinə əsasən, bu reklam identifikatoru tərtibatçının istifadəçi haqqında bildiyi yeganə məlumatdır. Ancaq yeni araşdırma nəticəsində məlum olub ki, proqramların 66 faizi cihaz tərəfindən sizə təqdim edilən unikal identifikasiya informasiyasının bütün növlərini toplayır.
Araşdırmalar onu göstərir ki, fərdi məlumat itkisi ilə bağlı bütün qalmaqallara baxmayaraq, daha çox proqram "Google"un siyasətini pozur. İstifadəçilər məxfilik sazlamalarını dəyişdirmək imkanına malikdir, amma onlar yalnız reklam identifikatoruna aiddir. Bütün digər informasiya isə istifadəçinin istəyindən asılı olmayaraq proqramlar tərəfindən toplanılır.
Bölmənin digər xəbərləri
