MƏDƏNİYYƏT
Ankarada “Avrasiya türkoloqları lüğəti”nin II cildi nəşr olunub
![Ankarada “Avrasiya türkoloqları lüğəti”nin II cildi nəşr olunub](/files/2020/2/1200x630/15886001022736641672_1200x630.jpg)
Ankara, 4 may, AZƏRTAC
Beynəlxalq Türk Mədəniyyəti Təşkilatı (TÜRKSOY) və Türk Tarix Təşkilatı birgə “Avrasiya türkoloqları lüğəti” çoxcildliyinin II cildini nəşr etdirib.
AZƏRTAC xəbər verir ki, türk və rus dillərində hazırlanan 463 səhifəlik kitab oxuculara Qazaxıstan və Qırğızıstan türkoloqlarına haqqında müfəssəl məlumat verir.
TÜRKSOY-un Baş katibi Düsen Kaseinovun baş məsləhətçiliyi ilə hazırlanaraq Ankarada nəşr olunan kitabın redaktoru görkəmli rusiyalı türkoloq, professor S.Klyaştornıydır. Nəşr professorlar -A.Kolesnikov (Rusiya), İ.Kamaloğlu (Türkiyə), D.Mahat (Qazaxıstan) və doktor A.Pılev (Rusiya) tərəfindən çapa hazırlanıb.
Çoxcildliyin işıq üzü görməsinin mühüm cəhətlərindən biri də, nəşrdə türkologiya sahəsində çalışan gənc alimlərə də yer verilməsidir.
Qeyd edək ki, layihəyə 2011-ci ildə başlanılıb.
Sabir Şahtaxtı
AZƏRTAC-ın xüsusi müxbiri
Ankara