Apreldə Gömrük Komitəsinin Çağrı mərkəzinə 8636 müraciət daxil olub
Bakı, 5 may, AZƏRTAC
Dövlət Gömrük Komitəsi aprel ayı üçün “195/6” Çağrı mərkəzinə daxil olan zənglərin hesabatını hazırlayıb.
Komitənin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, ay ərzində Çağrı mərkəzinə şəxslər tərəfindən ünvanlanan 8636 müraciət cavablandırılıb. Bu müraciətlərdən 213-ü gömrük sərhəd buraxılış məntəqələrinin iş rejimi ilə bağlı, 210-u gömrük ödənişləri, 126-sı gömrük təmsilçiliyi, 291-i fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan mallar ilə bağlıdır. Həmçinin sərbəst dövriyyə üçün buraxılış gömrük proseduru ilə bağlı 432 müraciət, xarici dövlətlərdə daimi qeydiyyatda olan nəqliyyat vasitələrinin ölkə ərazisinə müvəqqəti olaraq gətirilməsi ilə bağlı 4027, şikayət xarakterli müraciətlər 125, qısa idxal bəyannaməsi ilə bağlı 32, ixrac gömrük proseduru ilə bağlı 52 və digər mövzularla bağlı 3117 müraciət daxil olub.
Bölmənin digər xəbərləri
