AQRAR BÖLMƏDƏ LİZİNQ GENİŞLƏNİR
AZƏRTAC xəbər verir ki, Prezident İlham Əliyevin “Aqrar bölmədə lizinqin genişləndirilməsi sahəsində əlavə tədbirlər haqqında” sərəncamına uyğun olaraq cari ildən “Aqrolizinq” SC tərəfindən respublikaya gətirilən texnikanın siyahısına texnoloji avadanlıq da daxil edilmişdir. Mülkiyyət hüququnun istifadəçiyə keçməməsi şərti ilə texnikanın lizinqə verilməsi, dəyərinin ödənilmə müddətinin 5 ildən 10 ilə uzadılması kəndli sahibkarlar tərəfindən böyük ruh yüksəkliyi və minnətdarlıqla qarşılanmışdır.
Prezidentin bu sərəncamı öz bəhrəsini verməkdədir. 2005-ci ildə “Aqrolizinq” SC-nə bu məqsədlə dövlət büdcəsindən 20 milyon, 2006-cı ildə 38 milyon, 2007-ci ildə isə 37,5 milyon manat ayrılmışdır. Bu vəsaitlər hesabına respublikaya 100 min tondan çox mineral gübrə, 2 milyon manatlıq pestisid, 1000-dən artıq traktor, 565 ədəd taxılyığan kombayn, 4 mindən çox kənd təsərrüfatı qoşquları alınıb gətirilmişdir. Bu il alınmış 530 ədəd traktorun, 40 ədəd ekskavatorun, 771 müxtəlif kənd təsərrüfatı maşınlarının əksəriyyəti istiifadəçilərin öhdəsinə verilmişdir.
Qeyd edək ki, sahibkarlar bu texnikanın dəyərinin 20 faizini əvvəlcə, yerdə qalan 80 faizini isə 10 il müddətinə ödəyirlər. Mineral gübrələr isə onlara 50 faiz güzəştlə satılır.
Bölmənin digər xəbərləri
