AQTA-da sahibkarların qəbulu keçiriləcək
Bakı, 20 iyun, AZƏRTAC
Azərbaycan Qida Təhlükəsizliyi Agentliyinin (AQTA) sədr müavinləri hər həftənin çərşənbə, cümə axşamı və cümə günləri agentliyin inzibati binasında sahibkarları qəbul edəcəklər.
Bu barədə AZƏRTAC-a agentliyin İnformasiya təminatı və innovativ həllər şöbəsindən məlumat verilib.
Bildirilib ki, qida zəncirinin bütün mərhələlərində fəaliyyət göstərən sahibkarlar, o cümlədən qida məhsullarının istehsalı, emalı, daşınması, satışı və digər sahələrdə çalışan şəxslər heyvan və bitki sağlamlığı, qida zəncirinə nəzarət, qeydiyyat, idxal-ixrac məsələləri ilə bağlı qəbula yazıla bilərlər.
Görüşdə iştirak etmək istəyən şəxslər ad, soyad, fəaliyyət sahəsi, müraciətin məzmunu və telefon nömrələrini göstərərək [email protected] elektron poçtuna müraciət edə və ya (+994) 70 405 01 85 nömrəsinə zəng edə, həmçinin vatsap üzərindən əlaqə saxlaya bilərlər.
|
№ |
Sədr müavinləri |
Mövzu |
Həftənin günləri |
Saat |
|
Balarəhim Quliyev |
Heyvan və bitki sağlamlığı, qida zəncirinə nəzarət məsələləri |
Çərşənbə |
16:00-18:00 |
|
|
Zəkiyyə Mustafayeva |
Qeydiyyat məsələləri |
Cümə axşamı |
16:00-18:00 |
|
|
Əziz Şərifov |
İdxal və ixraca nəzarət məsələləri |
Cümə |
16:00-18:00 |
Bölmənin digər xəbərləri
