ARAMSIZ YAĞAN YAĞIŞLAR RESPUBLİKAMIZIN QƏRB BÖLGƏSİNƏ ZİYAN VURMUŞDUR
İyulun 7-dən yağan aramsız yağışlar respublikamızın qərb bölgəsinə xeyli ziyan vurmuşdur. Göygöl, Samux və Daşkəsən rayonlarında əkin sahələrinin bir hissəsi sel sularının altında qalmışdır.
Daşkəsən Rayon Fövqəladə Hallar Komissiyasının sədri Cavanşir Qocayev AZƏRTAC-a bildirmişdir ki, Gəncə-Daşkəsən magistral yolunun 15-ci kilometrliyində sel suları yolun bir hissəsini yuyaraq yararsız hala salmışdır. Xoşbulaq və Dəstəfur yolunun Harzan ərazisindəki və Qaraqollar kəndindəki körpülər qəza vəziyyətinə düşmüşdür. Hazırda sel sularının vurduğu ziyanın aradan qaldırılması məqsədilə tədbirlər görülür.
Bölmənin digər xəbərləri
