ARAN BÖLGƏSİNDƏ TORPAQ, SU VƏ BİTKİ ANALİZİ LABORATORİYASI YARADILMIŞDIR
Aqro İnformasiya Mərkəzi (AİM-Azərbaycan) Ağcabədidə Aran bölgəsinə xidmət edəcək müasir torpaq, su və bitki analizi laboratoriyası açmışdır.
Mərkəzdən AZƏRTAC-a bildirmişlər ki, laboratoriyada Avropanın inkişaf etmiş ölkələrində geniş miqyasda tətbiq olunan yeni nəsil avadanlıq quraşdırılmışdır. Müəssisənin yaradılmasından məqsəd torpağın, suyun və bitkinin tərkibini analiz etməklə fermerlərə səmərəli gübrələmə strategiyasına dair tövsiyələr verməkdir. Başqa sözlə, burada qida maddələrinin çatışmazlığı və hər hektar torpaq səhəsinə hansı gübrədən nə qədər verilməsi müəyyən olunacaq, bu məlumatlar fermerlərə çatdırılmaqla məhsuldarlığın artırılmasında onlara yardım göstəriləcəkdir.
Laboratoriya noyabrın 14-dən fəaliyyətə başlayacaqdır. Bununla əlaqədar həmin gün rayon mərkəzində mərasim keçiriləcəkdir.
Xatırladaq ki, AİM-Azərbaycan 1999-cu ildən respublikamızda aqrar sahənin inkişafına yönəlmiş layihələr həyata keçirir, kənd əhalisinin aqrar sahə üzrə texniki biliklərinin artırılması istiqamətində təşəbbüslər göstərir.
Bölmənin digər xəbərləri
