ARDNŞ artıq beynəlxalq səviyyəli bir şirkətdir və dünyanın bir çox ölkələrində əməliyyatlar aparır
Bakı, 10 may (AZƏRTAC). Azərbaycan Respublikası Dövlət Neft Şirkəti (ARDNŞ) artıq beynəlxalq səviyyəli bir şirkətdir və dünyanın bir çox ölkələrində müxtəlif əməliyyatlar aparır.
AZƏRTAC xəbər verir ki, bunu jurnalistlərə müsahibəsində ARDNŞ-in prezidenti Rövnəq Abdullayev demişdir.
R.Abdullayev bildirmişdir ki, biz ən böyük investisiya layihələrini qardaş Türkiyədə həyata keçiririk. Türkiyədə neft emalı zavodunun tikintisinə başlayırıq və yaxın zamanlarda təməlqoyma mərasimi olacaqdır. Bu, 4 milyard dollar məbləğində bir investisiyadır. Zavodun 2014-cü ildə istifadəyə verilməsi planlaşdırılır. O zavodun işə düşməsi ilə Azərbaycan Türkiyənin enerji sektorunda önəmli yer tutacaqdır.
Bölmənin digər xəbərləri
