CECECO: Enerji keçidi yalnız texnologiyalar, infrastruktur və investisiyalarla bağlı deyil
Bakı, 9 sentyabr, AZƏRTAC
Enerji keçidi yalnız texnologiyalar, infrastruktur və investisiyalarla bağlı deyil. Hər şeydən əvvəl, bu proses insanlarla bağlıdır.
AZƏRTAC xəbər verir ki, bu sözləri Əməkdaşlıq Təşkilatının Təmiz Enerji Mərkəzinin (CECECO) icraçı direktoru Aysel Yaqubova bp və tərəfdaşlarının bərpaolunan enerji və enerji səmərəliliyi sahəsində yerli mütəxəssislərin inkişafına dəstək məqsədli yeni sosial sərmayə layihəsinin təqdimatında deyib.
O bildirib ki, yeni və inkişaf etməkdə olan texnologiyaları anlayan peşəkarlar, əsaslandırılmış qərarlar qəbul edən qərarvericilər və qarşıya qoyulan enerji strategiyalarının səmərəli şəkildə həyata keçirilməsi üçün mütəxəssislər lazımdır.
“Bu baxımdan Təmiz Enerji Akademiyası xüsusi əhəmiyyət kəsb edir. Akademiya Azərbaycanda Almaniyanın “Renewable Energy Academy” təşkilatı ilə tərəfdaşlıqda, bp-nin sponsorluğu ilə həyata keçirilir. Bu əməkdaşlıq çərçivəsində biz regional peşəkarları, beynəlxalq ekspertizanı və özəl sektorun təcrübəsini bir araya gətirərək peşəkar təlim və bilik mübadiləsi üçün platforma yaradırıq”,- deyə o qeyd edib.
Bölmənin digər xəbərləri
